Изложба на црно-бели портрети во Кинотека на Македонија, 16.12.2015
Exhibition of b/w portraits at Cinemateque of Macedonia 16.12.2015
Драматика наспроти брзина
Како да се разбере фотографскиот портрет кога ви се на располагање едвај неколку реченици? Уште покомплексно: како да се разбере портретот денес во време на твитови ограничени на 140 карактери? Поинаку кажано, на кој начин било кој медиум, не само фотографијата, може да ни го привлече вниманието на малку повеќе од неколку секунди? При такви прашања на сцена стапува драматиката на црно-белата фотографија како естетско издвојување од бесконечното сивило на сите-сме-фотографи културата со која сме соочени. Таквите сликички имаат за цел да пренесат лична, дури себична информација. Сликите, пак, кон кои е пристапено со авторско знаење и внимание нè принудуваат да застанеме, да подразмислиме, па и да се замислиме, а не само да поминеме со брз поглед преку нив. Таков вид на запирање ни нудат портретите на Сашо Димоски кои зрачат со човечност и пријателство. Сепак, колку и да живееме во време на миговност на информацијата, ниту самата информација, ниту пак статичниот финално-изложен резултат на фотографијата не се ниту миговни, ниту статични. Напротив, тие имаат свој след на настаните, од причината за нивното настанување, преку самото случување на снимката, до живот потоа. Накусо: приказна. Портретите направени од Сашо Димоски се токму тоа, приказни пренесени преку фотографскиот медиум. И повеќе од тоа, приказни во кои авторот и моделите се долгогодишни познајници (лично или посредно, преку нивните дела), така што ниту еден портрет не е случаен. Драматиката на овие портрети е јасно изразена и низ мигот избран да и биде претставен на публиката во кој се огледува процесуалноста на настанот, а воедно и на естетската трансформација. Оттука, натамошниот живот на овие фотографии ќе зависи од подготвеноста на публиката да го прифати предизвикот и да навлезе во дијалог со било која од нив поодделно, да ја восприеми, протолкува и да и даде поинаква димензија, своја.
Свесен за брзината на изминувањето на податоците во актуелново време што го живееме, авторот миговноста на медиумот ја обележува со дополнителната информација за самиот миг кога фотографијата е настаната = име, презиме, година, датум, прецизно време.
Сафет Ахмети, 24.12.2015, 19:27:38, Скопје
Dramatics as Opposed to Speed
How can one understand photographic portrait when one can use barely several sentences? Even more complex: how can one understand portrait nowadays in the time of tweets limited to 140 characters? Differently said, in which way can any medium, not only photography, attract our attention to a bit more than several second? With questions like this here comes the black and white photography as an esthetic breakthrough from the endless grayness of we-are-all-photographers culture that we are facing. These pictures aim to transmit personal, even selfish information. The pictures, which have been approached with knowledge and attention on the side of the author force us to stop, think and even contemplate rather than only glance at them. Such a stop is offered by Saso Dimoski’s portraits which emit humanity and friendship. Still, no matter how much we live in a time of momentary information, neither the information itself, nor the static finally exposed result of photography is momentary or static. On the contrary, they have their own course of events, from the reason of their creation, via the events on the image, to their live afterwards. In short: a story. The portraits made by Saso Dimoski are precisely this, stories transmitted via photographic medium. And more than that, they are stories in which the author and the models are long-term acquaintances (personally or indirectly, via their work), so none of the portraits is accidental. The dramatics of these portraits is clearly expressed and through the moment selected to be presented to the audience in which the process nature of the events is seen, as well as the esthetic transformation. Therefore, the further life of these photographs will depend on the preparedness of the audience to accept the challenge and get into a dialogue with any of them separately, understand it, interpret it and give it a different dimension, one of its own.
Aware of the speed in passing of data in the real time that we live, the author marks the momentariness of the medium with additional information, on the very moment when the photograph was made = name, surname, year, date, precise time.
Safet Ahmeti, 24.12.2015, 19:27:38, Skopje
Секое преземање на фотографии од блогот без претходен договор со авторот подлежи на Законот за авторски права.
Any use of photographs from the blog without prior consent of the author is subject to copyright regulations.
© Сашо Димоски/Sašo Dimoski
sašo dimoski 