Leaving

24/03/2024 by sasodimo2004

Што ти е животот!? Во еден ден заминаа од овој свет двајца великани на некогашната југословенска сцена. Абдулах Сидран на 80, а Томислав Петернек десетина плус. Едниот поет, сценарист, писател, а вториот фотограф, фоторепортер, долгогодишен уредник на фотографија на НИН. Едниот Босанец, а другиот Србин. Сидран ја напиша една од најубавите песни (запишана во сон, на јазикот што не го знае – на македонски), а Петернек е првиот фоторепортер што стапна на тлото на разурнатото Скопје по катастрофалниот земјотрес.
Од Сидран, од неговите текстови и филмови учев едно, а Петернек ми беше првиот вистински учител по фотографија во, веќе далечната 1986 година, во Струга.

What is life!? In one day, two giants of the former Yugoslav scene left this world. Abdulah Sidran at 80, and Tomislav Peternek ten plus. One is a poet, screenwriter, writer, and the other is a photographer, photojournalist, long-time photo editor of NIN. One Bosnian and the other Serbian. Sidran wrote one of the most beautiful poems (written in a dream, in a language he does not know – Macedonian), and Peternek is the first photojournalist to set foot on the ground of destroyed Skopje after the catastrophic earthquake.
I learned one thing from Sidran, from his texts and films, and Peternek was my first real photography teacher in Struga, back in 1986.

АБДУЛАХ СИДРАН 1944-2024 // ABDULAH SIDRAN 1944-2024

Инсерт од емисијата „Недељом у 2“ со Александар Станковиќ малку за детето во поетот и за песната напишана на јазикот што не го знаел. // Insert from the show “Nedeljom u 2” with Aleksandar Stanković, a little about the child in the poet and about the poem written in the language he did not know.

***

ТОМИСЛАВ ПЕТЕРНЕК 1933-2024 // TOMISLAV PETERNEK 1933-2024

12+ЕДНА

27/03/2022 by sasodimo2004

12 plus ONE – b/w portraits

Saso Dimoski

Од поговорот на Елизабета Баковска

Историски, портретот е еден од најексплoатираните и најприсутните видови, прво во сликарството, а потоа и во фотографијата. Фотографскиот портрет е неизбежен дел од забележувањето на општата историја на човештвото, архивски запис за двигателите и учесниците во таа историја. Или, како што би рекол Валтер Бенџамин (Walter Benjamin), „портретите директно реферираат на историското присуство на реалните луѓе во одредени историски моменти“. Колективната меморија на човештвото не би била онаква каква што денеска ја препознаваме без портретот на Алберт Ајнштајн од 1951 година, кога на излегување од прославата на својот седумдесет и втор роденден му го покажува јазикот на фотографот Артур Сасе (Arthus Sasse). Или пак без портретот на намуртениот Винстон Черчил од 1941 година, седнат во паралементот на Канада, лут што фотографот Јусуф Карш (Yousuf Karsh) му ја одзел пурата. Ни масовноста на популарната култура не би била онаква каква што денеска ја препознаваме да го немаше строгото и убаво лице на Ернесто Че Гевара, загледано некаде настрана од апаратот на фотографот Алберто Кодра (Alberto Kodra) во 1960 година. И конечно, колективната меморија за живеењето на македонските простори не би била онаква каква што денеска ја препознаваме без трите века запишани на кроткото лице и рацете што мирно почиваат во скутот на баба Деспина, на познатиот портрет на браќата Манаки од 1905 година.

…

Оливера Николова

12 plus ONE – b/w portraits (https://sasodimoski.wixsite.com/12-one)

Љубовна

02/10/2021 by sasodimo2004

Пајонската свештеничка од Исар-Марвинци, VII век п.н.е.

Пред да се раздени
За неа беше разденето
Пред да се стемни
За неа беше стемнето.
Го преврзуваше сонцето со влажна шамија
И го успиваше крај неа.
Ние, дури чекавме да расцутат овошките,
Таа веќе ги береше плодовите од нив
Полни чинии поставуваше пред нас
И ништо не ја возбудуваше.
Ние ќе и покажевме камена птица што лета
Таа ќе речеше: Да тоа сум јас,
Птица во окото на сонцето!
Ќе и принесевме сини цветови што ги брал
Александар Македонски покрај Златна река
Таа ќе речеше: Тие цветови веќе сум ги носела в пазуви!
И секогаш
и секогаш молчеше.

Велеше, се што имам да речам си го реков себеси
Право е на другите да си молчат за својата судбина
Не постоеше ништо што можеше да ја возбуди.

Цел живот верував дека е жена
Не знаев дека е Бог
Само тој не копнее по ништо.

Анте Поповски

Секое преземање на фотографии од блогот без претходен договор со авторот подлежи на Законот за авторски права.
Any use of photographs from the blog without prior consent of the author is subject to copyright regulations.

Нож, Г. Прличев

08/09/2021 by sasodimo2004

Чита: Блаже Конески, фото: Сашо Димоски

Паднаа за слободата I – Кузман Јосифовски – Питу.

26/02/2021 by sasodimo2004

Тука падна Народниот херој на Југославија Кузман Јосифовски – Питу погоден на 25.02.1944 година од куршум на Бугарската фашистичка полиција. По кој пат ќе ги убиваат?!?
Here fell the National Hero of Yugoslavia Kuzman Josifovski – Pitu hit on 25.02.1944 by bullet of the Bulgarian fascist police. Which way will they kill them?!?

„Паднаа за слободата II“ – Панде К. Матевски, Битола, Македонија

06/06/2019 by sasodimo2004

MEMENTO MORI – Панде К. Матевски. Од серијата фотографии „Паднаа за слободата“, посветена на војници загинати во туѓи земји во војни што не биле нивни. Панде К. Матевски, македонски иселеник во САД пред II Светска војна, бил регрутиран и учествувал во операциите на американската армија при инвазијата на Нормандија. Таму загинал на 4. јули 1944 година на 30-годишна возраст. (Снимено на 30 септември 2018 година)

Црна се чума зададе

01/07/2018 by sasodimo2004

Црна се чума зададе
там’ долу в’ Македонија,
там’ долу в’ Демир Капија.
Кој ќе се јунак избере
чумата да изгони
од жална Македонија?

Избрал се, ми се изнашол
млад Гоце Делчев војвода,
чумата да ја пропади.
С’ негова верна дружина
тој ојде в’ Македонија,
там долу Демир Капија.

Гоце на дружба говори:
– Дружино, верна зговорна,
кога ќе вие врвите
низ моја града Кукуша,
мајка ми ќе ве запраша:
„каде е Гоце војвода“?
Вие ќе и нејзи кажете:
„Гоце се, мајко, ожени
за мајка Македонија“.

ТРЕТ КАНОН ЗА СЛОБОДАТА

21/06/2018 by sasodimo2004

IMG_6404-12018

Од каде доаѓа слободата?
Од огнените крилја на ангелите.
Од каде доаѓаат ангелите?
Од синото и од ништото.

Што е синото, а што ништото?
Првото е невиното и чистото.
Второто е она што оплодува сè.
Второто е она што уништува сè.

Од каде доаѓа слободата?
Од влезот во внатрешното.
Кој го создал внатрешното?
Не знам. Небото знае сè.

Славе Ѓорѓо Димоски, Извештаи на рисот, 2016.

ИДНИНА

02/05/2018 by sasodimo2004

Често посакувам
да ми беше даден
некој обичен и мирен живот
некоја сосем мала и средена
душевна вселена

Тихомир Јанчовски, Влакно на јазикот, 2018.

ЛЕСНО Е

03/04/2018 by sasodimo2004

tiho

Лесно е:
Да си вулгарен и лош
Да си себичен и гад
Да си без трпение
Да си нервозен и раздразлив
Да опцуеш некого така
Да скршиш нешто
Да мразиш и да се гневиш
Сè некој друг да ти е крив
а ти да си добар и жртва
и да нема друг толку таков.

Кај се роди толку добар и на место
и сè е против тебе?

Лесно е да направиш лајно од себе.

Тихомир Јанчовски

sašo dimoski

Photography