Љубовна

02/10/2021 by sasodimo2004

Пајонската свештеничка од Исар-Марвинци, VII век п.н.е.

Пред да се раздени
За неа беше разденето
Пред да се стемни
За неа беше стемнето.
Го преврзуваше сонцето со влажна шамија
И го успиваше крај неа.
Ние, дури чекавме да расцутат овошките,
Таа веќе ги береше плодовите од нив
Полни чинии поставуваше пред нас
И ништо не ја возбудуваше.
Ние ќе и покажевме камена птица што лета
Таа ќе речеше: Да тоа сум јас,
Птица во окото на сонцето!
Ќе и принесевме сини цветови што ги брал
Александар Македонски покрај Златна река
Таа ќе речеше: Тие цветови веќе сум ги носела в пазуви!
И секогаш
и секогаш молчеше.

Велеше, се што имам да речам си го реков себеси
Право е на другите да си молчат за својата судбина
Не постоеше ништо што можеше да ја возбуди.

Цел живот верував дека е жена
Не знаев дека е Бог
Само тој не копнее по ништо.

Анте Поповски

Секое преземање на фотографии од блогот без претходен договор со авторот подлежи на Законот за авторски права.
Any use of photographs from the blog without prior consent of the author is subject to copyright regulations.

Црна се чума зададе

01/07/2018 by sasodimo2004

Црна се чума зададе
там’ долу в’ Македонија,
там’ долу в’ Демир Капија.
Кој ќе се јунак избере
чумата да изгони
од жална Македонија?

Избрал се, ми се изнашол
млад Гоце Делчев војвода,
чумата да ја пропади.
С’ негова верна дружина
тој ојде в’ Македонија,
там долу Демир Капија.

Гоце на дружба говори:
– Дружино, верна зговорна,
кога ќе вие врвите
низ моја града Кукуша,
мајка ми ќе ве запраша:
„каде е Гоце војвода“?
Вие ќе и нејзи кажете:
„Гоце се, мајко, ожени
за мајка Македонија“.

ИДНИНА

02/05/2018 by sasodimo2004

Често посакувам
да ми беше даден
некој обичен и мирен живот
некоја сосем мала и средена
душевна вселена

Тихомир Јанчовски, Влакно на јазикот, 2018.

ЛЕСНО Е

03/04/2018 by sasodimo2004

tiho

Лесно е:
Да си вулгарен и лош
Да си себичен и гад
Да си без трпение
Да си нервозен и раздразлив
Да опцуеш некого така
Да скршиш нешто
Да мразиш и да се гневиш
Сè некој друг да ти е крив
а ти да си добар и жртва
и да нема друг толку таков.

Кај се роди толку добар и на место
и сè е против тебе?

Лесно е да направиш лајно од себе.

Тихомир Јанчовски

Почнете без мене // Start without me

24/02/2018 by sasodimo2004

dzovani-IMG_6422_DxO

Слободно почнете без мене
јас ќе бидам тука некаде
иако нема да бидам присутен
имам бескрајна доверба во вас
правете се дека сум насекаде
и едноставно започнете
поделете ги поканите
оптегнете ги плакатите
викнете ги новинарите
од сите станици и редакции
и обезбедете им го ветеното
пиење до покакување
причекајте да се стемни
и вклучете ги рефлекторите
пуштете тивка музика
и дувнете (во микрофонот)
проверете го актерот дали
ја прочитал лектирата
и пофалете го задолжително
обезбедете гратис книги
и потпишувајте си ги меѓусебно
повикајте и неколку живи поети
можеби и доктор поп и полицаец
во 7 и 30 кренете ја завесата
и ширум отворете ја вратата
проверете го воведувачот на зборот
дали знае да чита – дајте му шише
и непрестано повторувајте му го
зборот (да не го заборави)
не започнувајте точно навреме
причекајте да се наполни салата
и затворете ја вратата
фрлете им солзавец
и започнете со претставата

***

Feel free to start without me
I will be somewhere here
although I won’t be present
I trust you immensely
pretend I’m everywhere
and just start
distribute the invitations
put on the posters
call the journalists
of all stations and papers
and provide them the promised
drinking until they shit
wait for the dark
and switch on the spot lights
play soft music
and blow (in the microphone)
check the actor if he had
read his text
and don’t forget to praise him
provide free of charge books
and signing them for each other
call several living poets
maybe a doctor, priest and policeman
and open the door wide
check the introductory speech deliverer
if he knows how to read – give him a bottle
and keep on repeating him
the word (not to forget it)
don’t start on time
wait for the room to fill up
and close the door
throw them tear gas
and start with the show

Translated by: Elizabeta Bakovska

ЗАГОВОРОТ НА ПРАВНИЦИТЕ

16/12/2017 by sasodimo2004

…

Помогни ми да слезам.
Му ја подадов раката на тоа исцрпено, клекаво тело, и одеднаш ја почувствував неговата необична леснотија, претсмртната леснотија. Се оддалечив. Држејќи се на работ од камионот, човекот направи неколку чекори.
– Колку е топло. – Но очите му беа матни, во нив немаше ништо.

…

Исечок од „Заговорот на правниците“, Раскази за Колима, Варлам Шаламов

ВРЕМЕ-НЕВРЕМЕ (исечок)

04/12/2017 by sasodimo2004

…

О, веку блуден, умри ти сега!
Умри во мене ти,
за со тебе и јас да умрам
сам под небеси.

…

Горан Трајкоски (од албумот „Тешкиот глас на новите химни“)

2017©Сашо Димоски/Sašo Dimoski

На Рацин, Мисирков и Вапцаров!!!

03/12/2017 by sasodimo2004

„Прво дојдоа по комунистите,
но јас не бев комунист, па не проговорив против тоа.
Потоа дојдоа по социјалистите и синдикалците,
но јас не бев ни едното ни другото, па не проговорив против тоа.
Потоа дојдоа по Евреите,
но јас не бев Евреин, па не проговорив против тоа.
И кога дојдоа по мене,
немаше останато никој да зборува во моја одбрана.“

Мартин Ниемулер

First they came for the Socialists, and I did not speak out—
Because I was not a Socialist.

Then they came for the Trade Unionists, and I did not speak out—
Because I was not a Trade Unionist.

Then they came for the Jews, and I did not speak out—
Because I was not a Jew.

Then they came for me—and there was no one left to speak for me.

(Martin Niemoeller)

https://www.britannica.com/biography/Martin-Niemoller

ДОЖДОВИТЕ ПРЕСТАНАА//THE RAINS HAVE STOPPED

17/09/2017 by sasodimo2004

Ми доаѓа ноќе. Стои во ќошот на собата, малечок и мокар.
– Немој да ми се лутиш, тато, – ми вели. – Се обидов да пливам, како што ме учеше, ама водата беше многу силна.
Станувам да го гушнам, но него веќе го нема.
Во ќошот наоѓам само локвичка. Не знам дали е од него или од моите солзи.

Елизабета Баковска

***

He comes to me at night. He stands in the corner of the room, tiny and wet. “Don’t be angry with me, daddy,” he says. “I tried to swim, just as you’d taught me, but the water was too strong.” I get up to hug him, but he is already gone. I find nothing but a puddle in the corner. I don’t know if it is him or my tears.

Elizabeta Bakovska

ВЛЕЧЕЊЕ ЗА ЈАЗИК

12/08/2017 by sasodimo2004

slave-IMG_20170812_090459

Како пристоен граѓанин
на власта ѝ го пријавив
мојот јазик
за кој ме влече
еден јадеж:

– Тој се служи со мене.
Зборува одвнатре и однадвор.
Се шегува: жилет! леѓен! вода!
Тој се инаети: Добро дојдовте
Во новиот хаос. – И сè така.

Тој се служи со мене,
а можеби јас сум тој
од метежот на јазикот
створен:

Дури ги затворам очите
во мракот
за јазикот ме влече јадеж:

Не чепкај ја мечката
во…
дури спие.

Април 1995

Славе Ѓорѓо Димоски

sašo dimoski

Photography

Category Archives: Photo&Literature